|
|
Рыбаков. Язычество древней руси. Страница 399
И вълезоша Древляне и начата ся мыти,
И запьроша истъбу о них,
И повеле зажещи я от двьрии,
И ту изгореша вьси (Рис. 69в).
[ПОКОРЕНИЕ ДРЕВЛЯН]
И посъла к Древляном рекуще сице:
"Се уже иду к вам.
Да пристроите меды мъногы у града, идеже убисте мужа моего,
Да поплачюся над гробъм его
И сътворю тризну мужю своему".
Они же то слышавъше, свезоша меды мъногы зело и възвариша,
Ольга же поимъши мало дружины и льгко идущи,
Приъде к гробу его и плакася по мужи своемь.
И повеле людьм съсути могылу велику
И яко съсъпоша, повеле тризну творити
Посемь седоша древляне пити.
И повеле Ольга отроком своим служити пред ними
(а сами да не пиют!)
И реша древляне к Ользе;
"Къде суть дружина наша, ихъже посълахом по тя?"
Она же рече: "Идуть по мъне с дружиною мужа моего".
И яко упишася древляне, повеле отроком своим пити на ня,
а сама отъиде кроме
И повеле дружине сещи древляны
И исекоша их 5000. (Рис. 69г).
А Ольга възвратися Киеву и пристрой вои на прок их.
. . . . . . . . . . . . . . . . . . . . . . . . . . . . .
[МУДРЫЕ УСТАНОВЛЕНИЯ ОЛЬГИ]
И възложиша на ня (на Древлян) дань тяжку.
И дъве части дани идета Кыеву, а третияя --
Вышегороду к Ользе...
И иде Ольга по Деревьстей земли с сынъм своимь
и с дружиною, уставляющи уставы и урокы.
И суть становища ея и ловища.
И приде в град свой Кыев с сынъмь своимь Святославъмь
и пребывъши лето едино.
В лето 6455 (947?) иде Ольга Новугороду
И устави по Мъсте погосты и дани,
И по Лузе -- оброкы и дани,
И ловища ея суть по вьсей земли и знамения
и места и погости...
И по Дънепру перевесища и по Десне...
И изрядивъши, възвратися к сыну своему Кыеву,
И пребываше с ним в любъви".
(Далее пропуск: семь пустых годов)
В "Повести временных лет" этот стройный рассказ перебит двумя
видами дополнений: во-первых, параллельными версиями о войне с
Древлянами, а во-вторых, комментариями летописца Никона (1070-е
годы), пояснявшего географическую номенклатуру Киева и его
окрестностей. Тем не менее вычленение приведенного выше текста может
быть произведено без особых натяжек.
Предыдущая страница
Следующая страница
|
|
